السلام عليكم أحبائي ورمضان مبارك سعيد أدخله الله عليكم بالصحة والخير والمغفرة
هذه البسبوسة رأيتها العام الماضي في منتدى ومن ذلك اليوم وأنا أستعملها واستغنيت عن كل البسبوسات التي كانت مسجلة عندي وكل من ذاقها يطلب مني المقادير ولقد أخذت لكم الصور من الأخت التي علمتني إياها جزاها الله كل خير
نخليكم مع المقادير و الطريقة
بالنسبة للعبار كنعبرو بنفس الزلافة البيض و الزيت و السكر والسميدة انا درت 4 بيضات كبار ماعمراتش لي الزلافة حتى الفم و عبرت المقادير الاخرى بحال البيض
بسبوسة تستحق التجربة
كنديرو جميع المقادير في الخلاط و نطحنو مزيان حتى تنسجم العناصر
بسبوسة تستحق التجربة
كنكبو الخليط في مقلة ثقيلة ديال لمسمن مدهونة بالزيت و مرشوشة بالسميدة و ندخلوها لفران مسخن من قبل و نقصو العافية
بسبوسة تستحق التجربة
بالنسبة للسيرو باش غدي نسقيو كنحتاجو
كاس صغير ماء (نعبرو بكاس دانون)
كاس صغير سكر
عصير نصف حامضة
2 فاني ممكن غير 1 فاني
كنديرو كلشي في كسرونة فوق النار و نخليوه يغلي مزيان و يذوب السكر و نزولوه
بسبوسة تستحق التجربة
هذا هو السيرو اللي حصلت عليه و معاه الكوك اللي غذي نزينو بيه وجه البسبوسة
بسبوسة تستحق التجربة
هنا منين خرجات من الفران فالاول كنطيبوها من التحت و منين يبانو لينا الجناب بداو يتحمرو كنزلوها تتحمر شوية من الفوق و نردو البال حيت دغيا كتحمر
بسبوسة تستحق التجربة
كنسقيوها بالسيرو اللي عندنا نسقيو المرة الاولى و نحركو المقلة باش البسبوسة تشرب السيرو ثم نكملو السقي و نرشوها مزيان من الفوق بالكوك او لوز مهرمش
بسبوسة تستحق التجربة
و هنا منين تقطعات انا ماقطعتهاش كلها حيت درتها فالليل
بسبوسة تستحق التجربة
كتجي خفيفة و بنينة و شاربة السيرو مزيان و مامعجناش
بسبوسة تستحق التجربة
هاهي عن قرب ماتترددوش تجربوها لانها ساهلة و تستحق التجربة
بسبوسة تستحق التجربة